LDK paralajmëron kandidatura të tjera për kryetar të saj

Lidhja Demokratike e Kosovës ka ripërsitur të mërkurën se deri me tani kanë paralajmëruar kandidaturat e tyre për kryetar të partisë, Anton Quni, Lutfi Haziri dhe Lumir Abdixhiku.

LDK përmes një njoftimi për medie, ka lënë të hapur mundësinë që deri në ditën e mbajtjes së Kuvendit të Përgjithshëm të këtë edhe kandidatura të reja.

“Dëshirojmë ta njoftojmë anëtarësinë e LDK-së, se deri më tani kanë paralajmëruar kandidaturat për kryetar të LDK-së, z. Anton Quni, nënkryetar  i LDK-së dhe kryetar i degës së LDK-së në Prizren, z. Lutfi Haziri, nënkryetar i LDK-së, kryetar i komunës së Gjilanit dhe i degës së LDK-së në Gjilan dhe z. Lumir Abdixhiku, anëtar i Kryesisë së LDK-së”, thuhet në njoftimin e LDK-së

Njoftimi i plotë i LDK-së”

Njoftim për publikun

Dëshirojmë ta njoftojmë anëtarësinë e LDK-së, se deri më tani kanë paralajmëruar kandidaturat për kryetar të LDK-së, z. Anton Quni, nënkryetar  i LDK-së dhe kryetar i degës së LDK-së në Prizren, z. Lutfi Haziri, nënkryetar i LDK-së, kryetar i komunës së Gjilanit dhe i degës së LDK-së në Gjilan dhe z. Lumir Abdixhiku, anëtar i Kryesisë së LDK-së.

Në ditët në vijim priten paralajmërime edhe të kandidatëve tjerë.