LDK-ja uron Osmanin

Pas përmbylljes së seancës së jashtëzakonshme të kuvendit, kryetari i Lidhjes Demokratike të Kosovës, Lumir Abdixhiku ka uruar Vjosa Osmanin për zgjedhjen në krye të shtetit.

“Shpresojmë që e njëjta do të ushtrojë rolin e saj kushtetues me dinjitet, duke i përfaqësuar të gjithë qytetarët e vendit, duke i konsultuar të gjitha partitë në vend dhe të lë një shenjë të mirë në pesë vjetët e ardhshme”, tha Abdixhiku.
Ish-bashkëpartiaku i Osmanit, Lumir Abdixhiku tha se tani, pas konstituimit të të gjitha institucioneve të dala pas zgjedhjeve të 14 shkurtit, kjo parti do të vazhdojë punën në opozitë.

“LDK pas stabilitetit të krijuar në vend, do të vazhdojë rolin e saj opozitar përball një pushteti pothuajse absolut”, tha Abdixhiku.