Lajcak edhe në reagim e paraqet Kosovën si krahinë të Serbisë

Miroslav Lajcak, përfaqësues i BE për dialogun në mes të Kosovës dhe Serbisë, ka reaguar ndaj kritikave që ka pranuar si rezultat i  një hartë që mbanë në zyrën e tij, e cila e paraqiste Kosovën si pjesë të Serbisë.

Në Twitter Lajcak ka thënë së është keqinterpretuar dhe se në hartën e tij në zyrë kufijtë e Kosovës paraqiten.

“Pasi harta në zyrën time është nxjerrë gjatë intervistës sime dhe është e paqartë, ka shkaktuar disa keqkuptime sot, unë po ndaj një foto të afërt të saj. Kjo është një hartë zyrtare e BE-së e Ballkanit Perëndimor. Kosova është atje dhe po ashtu është linja që ndan Kosovën nga Serbia”, ka shkruar ai.

Por sic shihet edhe në foton e prezantuar nga Lajcak, Kosova në këtë hartë nuk paraqitet në kufijtë e saj shtetërore, të njohur nga 22 vende anëtare të BE-së, por paraqitet me kufijtë administrativ të ish Krahinës Socialiste, në kuadër të Serbisë.