Kurti thotë se do ta ndaj shapin nga sheqeri

Kandidati për kryeministër nga LV, Albin Kurti ka përshkruar tubimin e mbajtur të mërkurën në Prizren duke thenë se fytyra të mbushura me shpresë sot kanë vërshuar rrugët dhe sheshet e Klinës dhe Prizrenit.

“Krejt shpresën e kanë te 14 shkurti, drejt referendumit gjithë popullor, kur do të ndahet “shapi prej sheqerit”, qeverisja e keqe që po shkon nga mirëqeverisja që po rikthehet”, ka thënë Kurti.

Ai ka thënë se nuk do të qeverisin nga inati apo për hakmarrje. Ai thotë se do të shërbejnë nga detyra dhe besimi, sipas programit dhe me ligj.

“Me dalje masive dhe përkrahje listës së Lëvizjes me numër 127, një herë e mirë i japim fund avazit të vjetër dhe krejt Kosovën tonë e sjellim në binarë të drejtë të progresit” ka përfunduar Kurti.