Kurti s’i përgjigjet Mustafes

Kandidati për kryeministër nga radhët e Vetëvendosjes, Albin Kurti s’ ka dhënë ndonjë përgjigje lidhur me atë se kush janë aleatët e tij për Republikën e Tretë, për të cilën kryetari i LDK-së përmes një postimi në Facebook i ka kërkuar sqarime, raporton Ekonomia Online.

Kurti i pyetur për këtë deklaratë tha se s’po ka kohë të merret me deklaratat e të tjerëve, por që sipas tij ata duhet t’i sqarojnë vet deklaratat e tyre.“ Republika e Kosovës është para një referendumi  gjithë popullor ku numri 127 është dalje nga kriza e shumëfishtë.

Nuk mund të jap shpjegime për deklaratat e të tjerëve, ata duhet t’i japin vet”, tha Kurti, pas homazheve tek vendi ku janë vrarë aktivistët e VV-së, Mon Balaj e Arben Xheladini  14 vjet më parë në një protestë të organizuar kundër Pakos së Ahtisarit.