fbpx
Lidhu me Ne!

Shëndeti

Kurti në ceremoninë e pranimit të vaksinave, thumbon kundërshtarët politik

Kosova sipas Kurtit ka humbur kohë që i ka kushtuar shumë jo veç në menaxhimin e pandemisë por i ka kushtuar edhe jetë njerëzish.

Publikuar

Kryeministri i Kosovës, Albin Kurti tha të dielën se ardhja e kontingjentit të parë të vaksinave ngjall shpresë të madhe për shpëtimin e njerëzve, sidomos personelit shëndetësor, duke pasur parasysh numrin e lartë të rasteve të reja ditore, por edhe të viktimave si pasojë e kësaj sëmundjeje që ka prekur të gjithë botën.

“Është ky kontingjent i vogël por që ngjall shpresë të madhe në vendin tonë për fillimin e shpëtimit të jetës së njerëzve, sidomos personelit shëndetësor dhe popullsisë në rrezik”, tha Kurti, duke shtuar se secila jetë në secilin vend të botës është e çmuar dhe e baras vlefshme andaj bota ka nevojë për solidaritet ndaj këtij armiku.

Kurti ka thënë se virusi nuk njeh kufij, racë apo etni dhe askush nuk është në asnjë vend i sigurt derisa të gjithë jemi të sigurt.

“Më lejoni të falënderoj aleancën COVAX dhe të gjithë që po kontribuojnë vaksinim të barabartë në mbarë botën. Vendi ynë është i vogël dhe i varfër andaj ka nevojë për mbështetje e solidaritet nga të gjithë e sidomos nga miqtë tanë SHBA-të e BE që janë edhe më të rëndësishmit në këtë donacion”, tha Kurti.

Kosova sipas Kurti ka humbur kohë që i ka kushtuar shumë jo veç në menaxhimin e pandemisë por ka kushtuar jetë njerëzish.
“Ajo nuk mund të kthehet mbrapa siç nuk mund të kthehet mbrapa qindra jetë njerëzish që kemi humbur. Vaksinimi duhet të fillojë menjëherë. Në dy javët e fundit kemi mesatarisht 10 vdekje në ditë dhe trend në rritje, kemi humbur 16 mjekë e 8 infermierë dhe në një vend me kaq pak banorë i ngjajnë një vendi në kohë lufte, andaj masat tona duhet të jenë të shpejta e të drejta që t’i shmangim vdekjet, sot është tejkaluar numri prej 500 vdekjeve në vitin 2021 në Kosovë, prej janar, shkurt e deti më tani kemi 504 të vdekur në Kosovë nga COVID-19”, tha Kurti.

Ai shtoi se Qeveria e tij po bën të pamundurën që të sigurojë sa më shumë vaksina, teksa falënderoi mjekët, infermierët dhe të gjithë punonjësit shëndetësorë për punën e palodhshme që po bëjnë në shpëtimin e jetëve.

Ndryshe, të dielën në Aeroportin e Prishtinës ka arritur kontingjenti i parë i vaksinave kundër COVID-19, i cili është mundësuar nga organizata UNICEF, nëpërmjet programit COVAX. Bëhet fjalë për rreth 24.000 doza të vaksinës së AstraZeneca, që vijnë me ndihmën e UNICEF-it përmes programit COVAX.

Vazhdo më shumë

Radio Tipografi

Hapësir reklamuese

Facebook

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021