Kurti krahason zgjedhjet e 14 shkurtit me referendumin për pavarësi të viti 1991

Kryetari i LVV-së, Albin Kurti përmes një video mesazhi ku u është drejtuar qytetarëve ka thënë së dy dekada të keq-qeverisjes me dështime e me korrupsion, pa punë e pa drejtësi, duhet të marrin fund me 14 shkurt që ta kthejmë zhvillimin e ta bëjmë progresin

Kurti ka thënë së në vitin 1991 ne kishim referendumin për pavarësi. Atëherë dolëm Krejt dhe vendosëm Drejt duke votuar masivisht për pavarësinë e vendit sepse e dinim vlerën e secilës votë

Postimi i plotë i Kurtit

Qytetarë të dashur,

Në vitin 1991 ne kishim referendumin për pavarësi. Atëherë dolëm Krejt dhe vendosëm Drejt duke votuar masivisht për pavarësinë e vendit sepse e dinim vlerën e secilës votë.

30 vjet më vonë jemi përballë një referendumi të dytë për të vendosur për të ardhmen tonë.

Dy dekada të keq-qeverisjes me dështime e me korrupsion, pa punë e pa drejtësi, duhet të marrin fund me 14 shkurt që ta kthejmë zhvillimin e ta bëjmë progresin.

Prandaj duhet të dalim të gjithë, dhe secili, për ta bërë ndryshimin e madh.

#KrejtDheDrejt për numrin 127, Lëvizja VETËVENDOSJE!