Kurti dhe Varhelyi nga afër po e përcjellin procesin e vaksinimit në sallën 1 Tetori

Kryeministri Albin Kurti dhe Komisioneri për Zgjerim i Bashkimit Evropian Oliver Varhelyi po e vizitojnë ë sallën e sporteve 1 Tetori në Prishtinë, ku ka rinisur procesi i vaksinimit kundër Covid 19, me vaksinat e dhuruara nga Bashkimi Evropian. Vaksinimi do të behët vetëm për personelin shëndetësor.

Ministria e Shëndetësisë ka pranuar të martën 4680 doza të vaksinës Pfizer/Biontech kundër COVID-19, pjesë e parë e 95.000 dozave të cilat Bashkimi Evropian i ka ndarë për Kosovën në kuadër të mbështetjes së vendeve të Ballkanit Perëndimor në vaksinimin kundër COVID-19.

Me rekomandim të Komitetit për vaksinim kundër COVID-19, këto doza të vaksinës Pfizer/Biontech do të përdoren për vaksinimin e punëtorëve shëndetësor, të cilët nuk kanë mundur të vaksinohen në fazën e parë të vaksinimit për arsye shëndetësore për çka duhet të kenë dëshmi.