fbpx
Lidhu me Ne!

Lajme

Kurteshi i LVV-së thotë se dikush nga KQZ, duhet të shkoj në burg

Publikuar

Anëtari i KQZ-së nga Lëvizja Vetëvendosje, Sami Kurteshi, ka thënë se edhe në zgjedhjet e 14 shkurtit ka pasë vjedhje industriale të votave.

Madje, ai ka thënë se në këtë proces zgjedhor janë kryer vepra të rënda penale për të cilat duhet të futen në burg ata që i kanë kryer, njofton Klan Kosova.

Për vlerësimet se Kosova pati një proces të mirë zgjedhor, Kurteshi u përgjigj me një thënie të popullit.

“Vetëm luga e di çka ka tenxherja. Atë çka ka tenxherja ne po e themi në mbledhje dhe kur s’po iu pëlqen po e lënë mbledhjen. Ne po themi ka shkelje, ka manipulim, ka vjedhje industriale të votave, ka korrupsion, mosdije, mosprofesionalizëm. Ne për këtë e kemi tërhequr vërejtjen. Ka prokurori që s’është në gjendje t’i kryejë punët e veta, polici që s’është në gjendje ta kryejë punën”.

“Kjo çka ka ngjarë në këto zgjedhje me mënyrën e organizimit të tyre në pjesën veriore dhe me çështjen e votave nga jashtë, është lëndë për gjykatën. Këtu ka vepra të rënda penale nga KQZ-ja dhe ka vend për burg”.

“Brenda KQZ-së janë marrë vendime që janë të kundërligjshme. Prej kryetarit e anëtarët e KQZ-së e udhëheqësit e sekretariatit të KQZ-së. Ajo çka bëhet me votën e popullit është e ndalur dhe është vepër penale”.

Kurteshi në Edicionin Special ka thënë se bashkë me anëtarin tjetër të Vetëvendosjes në KQZ, Alim Rama, po përpiqen t’ia kthejnë transparencën KQZ-së.

Ai gjithashtu mohoi se përplasjet me Dakën janë personale, por thotë se janë kundër ndryshimit të qasjes në KQZ.

“Daka s’mund të pajtohet me këtë ndryshim sepse deri tash ka shkuar si ka shkuar. KQZ ka qenë e shndërruar, jo veç me fajin e saj por shumë për fajin e saj, në makinë votimi. Ka pasë mbështetje nga partitë PDK, LDK dhe gjithashtu nga AAK dhe Nisma. Kjo më nuk vlen. Unë nuk kam simpati apo antipati ndaj askujt”.

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021