Kur po votohej Osmani, Kastrati shkruan:“…një fshatarake me një bark si kadë e me këmbë si magje”

Duke cituar një satirë të Faik Konicës, ish kandidati për deputet nga radhët e PDK-së, profesori universitar, Ardian Kastratin, ndonëse nuk ia ka përmendur emrin, ka satirizuar më zhvillimet në Kuvendin e Kosovës, duke bulëzuar me peshën trupore të presidentes se zgjedhur të Republikës së Kosovës, Vjosa Osmani.

“‘…një fshatarake me një bark si kadë e me këmbë si magje, me një palë duar të trasha e të pjekura, e me një fytyrë të fryrë e të kuqe si piper t’Ohrit’”, ka cituar Faik Konicen, ish analisti Kastrati.

Postimi i plotë i Kastratit:

Gjithmonë më ka pëlqyer shumë satira e Faik Konicës
“Në një shkrim të botuar në ‘ Gazeta Dielli’ mes tjerash gjeta këtë përshkrim satirik të Konicës (për një ish zyrtare të lartë të Stambollit) që sonte më bëri të qesh me lot:
“…një fshatarake me një bark si kadë e me këmbë si magje, me një palë duar të trasha e të pjekura, e me një fytyrë të fryrë e të kuqe si piper t’Ohrit”.”