Kosovarët “pushtojnë” Shqipërinë

Kosovarët si duket do të vazhdojnë avazit, që për çdo 1 maj të pushojnë në Shqipëri dhe në bregdetin e Malit të Zi, kryesisht në Ulqin. Të dhënat e së premtes tregojnë së një numër i madh i kosovarëve, tashme veç e kanë kaluar kufirin në mes të Kosovës dhe Shqipërisë.

Temperaturat e larta dhe Festa e 1 Majit, ka shkaktuar nisjen e shqiptarëve të Kosovës në bregdetin shqiptar. Fundjava ka sjell një fluks kosovarë në pikën kufitare të Morinës.

Vetëm deri në mesditën e së premtes mbi 5600 qytetarë kanë kaluar pikën kufitare në drejtim të Shqipërisë.

Ndër të tjera mësohet se përveç qytetarëve që kanë zgjedhur Shqipërinë për pushime, ka dhe shumë të tjerë të cilët vijnë për arsye pune.