Lajme
Kosova: Izraeli ka të drejtë të vetëmbrohet
Izraeli ka të drejtën dhe detyrimin për të mbrojtur popullin e tij kundër 2000 raketave të qëlluara mbi civilët vetëm nga Hamas, i cili po mban peng civilët palestinezë në luftën e tij
Kosova u është bashkuar vendeve perëndimore, duke dënuar dhunën dhe në të njëjtën kohë duke kërkuar përmbajtje dhe zgjidhje paqësore në mes të izraeliteve dhe palestineve. Ministria e Punëve të Jashtme të Kosovës, ka lëshuar një deklaratë për media pas zhvillimeve të fundit në Gaza.
“Si çdo shtet, Izraeli ka të drejtën dhe detyrimin për të mbrojtur popullin e tij kundër 2000 raketave të qëlluara mbi civilët vetëm nga Hamas, i cili po mban peng civilët palestinezë në luftën e tij. Ne vajtojmë të gjitha viktimat. Ne kërkojmë që të përmbahemi, të ndalojmë dhunën dhe të kërkojmë zgjidhje paqësore”, thuhet në deklaratën e Ministrisë së Jashtme të Kosovës.