Korenica: Nder që jam pjesë e kombëtares, luaj ku të ma kërkoj trajneri

Kosova e mbylli me humbje ndeshjen e fundit në kualifikueset e Euro 2024. Dardanët u mposhtën në shtëpi nga Bjellorusia me rezultatin 0-1.

Pas kësaj ndeshje, për emisionin “Dardanët” foli Meriton Korenica. Sulmuesi theksoi se është nder të jetë pjesë e kombëtares ndërsa shtoi se është gati të luaj ku ia kërkon trajneri.

Lexoni edhe:

“Me pak fat edhe mund të shënonim, por na mungoi fati. Ndoshta edhe mund ta fitonim ndeshjen, fusha ishte rëndëuar. Loja ishte e vështirë, shpresojmë që shpejt të arrijmë tek golat dhe të bëhemi efikas. Jam gati të luaj ku do trajneri, jam i lumtur të jem pjesë e kombëtares,është nder për mua”, u shpreh Korenica.