Kosovë
Konferenca e radhës kundër Thacit, Veselit, Krasniqit dhe Selimit
Dhomat e Specializuara të Kosovës me seli në Hagë, kanë konfirmuar mbajtjen e konferencës se radhës për ecurinë e çështjes ndaj ish udhëheqësve të UCK-së.
Ish presidenti, Hashim Thaçi, ish kryetarët e Kuvendit, Kadri Veseli dhe Jakup Krasnqi si dhe Rexhep Selimi do të paraqiten në seancën e radhës në gjykatë nga ora 11:00.
Që të katërt akuzohen nga Gjykata Speciale për krime luftë. Konferenca e radhës për ecurinë e çështjes ndaj ish udhëheqësve të UCK-së, po mbahet pikërisht në ditën kur ka nis fushata e bombardimeve nga ajri e NATO-së, ndaj Serbisë, e që zgjati 78 ditë, e cila në tokë u shfrytëzua nga forcat serbe për sulme hakmarrëse kundër shqiptarëve.
Mbi 10 mijë veta u vranë, mbi 800 mijë u ndoqën nga Kosova, ndërsa rreth 5 mijë të tjerë në fund të luftës llogariteshin si të zhdukur.