fbpx
Lidhu me Ne!

Lajme

Karikaturisti suedez që skicoi kokën e Profetit Muhamed në trupin e një qeni ka vdekur në një aksident trafiku

Dy policë u vranë gjithashtu dhe shoferi i kamionit u plagos.

Publikuar

Lars Vilks, karikaturisti suedez që skicoi kokën e profetit Muhamed në trupin e një qeni ka vdekur në një aksident trafiku, sipas mediave lokale.

Një lajm i tillë është transmetuar edhe nga mediat botërore, sipas të cilave, Lars Vilks thuhet se po udhëtonte me një makinë civile të policisë e cila u përplas me një kamion pranë qytetit Markaryd në Suedinë jugore, përcjell Telegrafi.

Dy policë u vranë gjithashtu dhe shoferi i kamionit u plagos.

Vilks, 75 vjeç, jetoi nën mbrojtjen e policisë pasi iu nënshtrua kërcënimeve me vdekje mbi karikaturën.

Karikatura, e botuar në vitin 2007, ofendoi shumë myslimanë që e konsiderojnë paraqitjen vizuale të Profetit si blasfemi.

Ajo erdhi një vit pasi një gazetë daneze publikoi karikaturat e Profetit.

Policia nuk e ka zbuluar identitetin e të vrarëve në incidentin e së dielës, por partneri i Vilks konfirmoi vdekjen e tij për gazetën Dagens Nyheter.

Një deklaratë nga policia tha se ishte ende e paqartë se si ndodhi përplasja, por fillimisht nuk kishte asgjë për të sugjeruar që dikush tjetër ishte i përfshirë.

Karikatura shkaktoi zemërim dhe bëri që kryeministri i atëhershëm Fredrik Reinfeldt të takonte ambasadorë nga 22 vende myslimane në një përpjekje për të zbutur situatën.

Menjëherë më pas, Al-Kaeda në Irak ofroi një shpërblim prej 100,000 dollarë për vrasjen e tij.

Në vitin 2015, Vilks mori pjesë në një debat mbi fjalën e lirë që ishte shënjestruar në një sulm me armë në Kopenhagen. Ai tha se ai ishte ndoshta objektivi i sulmit, i cili vrau një regjisor filmi. /Telegrafi/

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021