Ka nisur numërimi i votave me postë

Zëdhënësi i KQZ-së, Valmir Elezi ka konfirmuar për Tipografin se të martën ka filluar procesi i numërimi të votave që kanë ardhur më postë

“Mbrëmë në mesnatë është përmbyllur numërimi i votave me kusht dhe atyre të personave me nevoja të veçanta, ndërsa sot (e martë) kemi filluar me numërimin e votave që kanë ardhur përmes postës”, ka thënë Elezi.

Sipas tij janë 56 mijë e 610 zarfe me fletëvotime që duhet të numërohen në QNR

Sipas Elezi tashme jemi në fazën përfundimtare para së KQZ të shpall rezultatet meqë  sipas tij numërimi i votave me kusht dhe atyre me postë e përmbyll procesin e numërimit të votave.

Elezi ka bërë të ditur se janë 45 tavolina aktive të numërimit në QNR, dhe po punojnë që sa më shpejtë të përfundoj numërimi i votave me postë.

“Me shpalljen e rezultateve përfundimtare nga KQZ nuk përfundon procesi zgjedhor, pasi që subjektet politike dhe kandidatët kanë të drejtë të paraqesin ankesat e tyre në PZAP për rezultatin e shpallur nga KQZ”, ka përfunduar Elezi. /tg/