fbpx
Lidhu me Ne!

Lajme

Humbin jetën babë e bir nga zjarri

Publikuar

Dy persona, babe e bir, kanë humbur jetën gjatë natës në Berat si pasojë e një zjarri që përfshiu 3 banesa në lagjen “Muzakaj”. Ata janë Jovan dhe Mateo Vangjeli, 61 dhe 36 vjeç.

Policia identifikoi fillimisht trupin e babait i cili u gjet në shtratin e tij në dhomën e gjumit. 61-vjeçari ishte një invalid, çka mendohet se ka bërë të pamundur edhe lëvizjen e tij gjatë momentit të zjarrit.

Disa orë më pas u gjet i pajetë edhe djali i tij Mateo. Mendohet se shkak është bërë një rezistencë elektrike që përdorej për ngrohje.

“Na lajmëruan rreth orës 12 dhe lajmëruam zjarrfikësen…. Përdorte një rezistence”

Të afërmit hodhën dyshime se përveç dy viktimave në banesë mund të ishte edhe një shok tjetër i Mateos, por fatmirësisht ai ishte larguar para se banesa të përfshihej nga zjarri.

Zjarri ra pak pas mesnate në një prej banesave dhe më pas është përhapur në dy shtëpitë e tjera si dhe në katin e tretë të një pallati përballë. Në vendngjarje mbërritën forcat e policisë dhe ato zjarrfikëse të cilat bënë fillimisht izolimin dhe më pas shuarjen e flakëve.