Hoxhaj: Vjosa është faktor i agresivitetit në skenën politike

“PDK e fton koalicionin e ardhshëm qeverisës që të mos bëjë obstruksione dhe t’i krijoj shpejt institucionet, fatmirësisht pa tym e pa gazë, por ishte një seance shumë demokratike”.

Kështu ka deklaruar, kreu në detyrë i PDK-së, Enver Hoxhaj në një paraqitje para medieve menjëherë pas mbyllës së seancës konstituivë.

Hoxhaj ka thënë së qytetarët e Kosovës e kanë mandatuar Kurtin dhe Osmanin për të udhëhequr më institucionet, andaj ata përgjegjës për krijimin e tyre.

Hoxhaj ka thënë se sa i përket zgjedhjes se presidentit ai dhe Partia Demokratike kanë qendrime të kristalta dhe ai është që nuk do të jetë pjesë e asnjë kalkulimi të zgjedhjes se Vjosa Osmanit presidente.

“Osmani nuk është person unifikues. Ajo e përçan skenën politike. Nuk është faktor i pajtimi, është i agresivitetit në skenën politike”, ka thënë Hoxhaj duke e arsyetuar vendimin e tyre për të mos marr pjesë në zgjedhjen e Osmanit për presidente.

Ai ka thënë se Kurti nuk duhet të jetë i njëjti sikurse ai i para 14 shkurtit. Ai sipas Hoxhajt duhet që të gjej konsensus dhe të përfaqësoj popullin e Kosovës, kjo është punë e tyre, nuk është punë e opozitës.