Hoxhaj: Mësimdhënësve të të gjitha niveleve do ua rrisim sërish pagat

Kandidati i PDK-së për Kryeministër ka thënë së mësimdhënia dhe mësimnxënia në të gjitha nivelet është ballafaquar me vështirësi të mëdha gjatë kësaj periudhe. Por, sipas tij paaftësia e dy qeverive në adresimin e nevojave për mbarëvajtje të mësimit, mungesa e digjitalizimit në shkolla dhe vendimet kontradiktore të tyre prodhuan shumë efekte negative te nxënësit dhe mësimdhënësit.

Qeveria ime ka thënë Hoxhaj do të punojë menjëherë në adresimin e efekteve të pandemisë dhe në sanimin e dëmeve të keqqeverisjes në arsim, ekonomi dhe në çdo resor tjetër, duke riparuar dëmet me Planin e Rimëkëmbjes.

“Faleminderit përfaqësuesve të bizneseve dhe mësimdhënësve në Gjilan për përkrahjen që po i japin Rimëkëmbjes. Për mbështetjen e bizneseve vendore do t’i ndajmë 500 milionë euro grante dhe subvencione. Ndërsa, mësimdhënësve të të gjitha niveleve do ua rrisim sërish pagat”, ka thënë Hoxhaj.