Hoxhaj flet për fond 500 milionësh të rimëkëmbjes

Kandidati për Kryeministër nga Partia Demokratike e Kosovës ka thënë se qeveria e ardhshme e Rimëkëmbjes do ta forcojë partneritetin me prodhuesit vendor dhe do të promovojë produktet “Made in Kosova”.

Hoxha në një shkrim në Facebook ka thënë se në prezantimin e planit të tyre ekonomik me Klubin e e Prodhuesve të Kosovës, kanë folu për fondin 500 milionësh të rimëkëmbjes që do të mbulojë interesin e huamarrjes së prodhuesve që eksportojnë mallra jashtë Kosovës.

“As TVSH-ja nuk do të ketë nevojë të paguhet në kufi dhe do të ulet Tatimi në të Ardhura të Korporatave nga 10 %, deri në 0%, varësisht nga investimet dhe numri i të punësuarve të tyre”, ka shkruar Hoxha. Ai është zotuar  se PDK-ja do të vazhdojë të jetë partneri i natyrshëm i bizneseve.