Hoti dhe Osmani nuk përshëndetën mes vete

Ish kryeministri Avdullah Hoti tash deputet i LDK-së në Kuvendin e Kosovës dhe deputetja e LVV, Vjosa Osmani nuk janë përshëndetur më njeri tjetrin në sallën e Kuvendit të Kosovës.

Vjosa Osmani më herët ka qenë nënkryetare e LDK-së dhe kandidate e kësaj partie për kryeministre në zgjedhjet e vitit 2019.

Por, në qershorin e vitit të kaluar, LDK-ja e shkarkoi nga të gjitha funksionet partiake, pasi Osmani ishte shprehur kundër disa vendimeve të partisë, përfshirë edhe prishjen e koalicionit qeverisës me Lëvizjen Vetëvendosje dhe formimin e qeverisë së re, që u udhëhoq nga Avdullah Hoti.