Himni ka tekst, por pse intonohet pa të?

Ndoshta edhe nuk e keni ditur që himni i Kosovës ka tekst dhe ka një tekst që përshkruan më së miri dashurinë ndaj atdheut dhe shpërfaqe tërë sakrificën e gjeneratave të tëra për liri dhe pavarësi. Kosova më aktin e shpalljes së pavarësisë ka aprovuar edhe simbolet shtetërore, përfshirë edhe himnin shtetërore. Himni u votua nga Kuvendi i Kosovës.

Himni i Kosovës, propozimi me shifrën “Europa” i cili u miratua në një seancë të veçantë të Kuvendit me 72 vota për, 15 kundër dhe 5 abstenime, është kompozuar nga kompozitori Mendi Mengjiqi më 11 qershor të vitit 2008. Për arsye politike deri me tash, teksti i himnit nuk është lejuar të publikohet, e as të përdoret zyrtarisht

Në 13 vjetorin e shtetësisë, është koha që himnin ta dëgjojmë dhe këndojmë bashkë me tekst.

Teksti i Himnit:

O mëmëdhe i dashur,

vend i trimërisë

Çerdhe e dashurisë

N’ty shqipet fluturojnë

Dhe yjet ndriçojnë

Vendi i të parëve tonë

Ti qofsh bekue për jetë e mot

O nënë e jonë

Ne të dalim zot

O mëmëdhe i dashur,

vend i trimërisë

Çerdhe e dashurisë.