Haziri, zyrtarisht kandidat për kryetar të LDK-së

Nënkryetari i LDK-së dhe kryetari aktual i Gjilanit, Lutfi Haziri të mërkurën edhe zyrtarisht do të bëjë publikë kandidaturën e tij për kryetar të kësaj partie.

LDK i është futur procesit të zgjedhjes se kryetarit të ri, pasi që kryetari aktual Isa Mustafa ka paralajmëruar dorëheqjen, të cilën siç kanë thënë në LDK do ta paraqes para anëtarëve të Kuvendit të Përgjithshëm të LDK-së.

Njoftimin për paraqitjen e kandidaturë se Hazirit e ka dhënë dega e LDK në Gjilan, në të cilën Haziri është kryetar.

“Ju njoftojmë se Kryetari i Degës së LDK-së në Gjilan, z. Lutfi Haziri, nesër (10 mars) në ora 13:00, do ta shpallë zyrtarisht kandidaturën për Kryetar të LDK-së në nivel qendror”, thuhet në njoftim./tipografi/