Haradinaj: Versioni i parë i Marrëveshjes se Uashingtonit flet për njohje reciproke

Anëtari i AAK-së, Daut Haradinaj, njëherit ish-deputet, ka thënë se ka ekzistuar një version origjinal në marrëveshjen e Uashingtonit, në të cilën figuronte pika për njohjen reciproke mes Kosovës e Serbisë.

”Unë ua kam gjetë kopjen origjinale, dhe iu kam thënë urno‚”recognizing each other”. Pra, letra e parë ka qenë: njohja reciproke, dhe pastaj aty është heq ajo fjalë, me kushtin që ta pranojë Serbia njohjen e Izraelit”.

Sipas tij, fillimisht ky dokument, iu ishte prezantuar palëve në Shtëpinë e Bardhë, megjithatë duke qenë në pyetje njohja e Izraelit, Serbia kushtëzoi për pamundësim të saj, njofton Klan Kosova.

”Nuk më frikëson Shtëpia e Bardhë”,  tha ai në Rubikon me Adriatik Kelmendin,.

”Nuk kemi paranoja. Veç sa s’ia rrëzuan aeroplanin Avdullah Hotit. Dhe kur shkuam atje, pamë një marrëveshje që për mua deri diku ishte e pranueshme, me përjashtim të heqjes një a dy pikave”.

”Ka pasur negociata edhe më herët për atë marrëveshje”.

”Nuk ka qenë ajo vetëm një letër që është gjuajtur në tavolinë. Janë negociuar edhe pika tjera. Unë bile kam pasur debat edhe me njerëzit e LDK-së ku thoshin se ”nuk ka pasur në letrën e parë, njohje reciproke”.

”Dhe unë ua kam gjetë kopjen origjinale, dhe iu kam thënë urno‚”recognizing each other” ”.

”Pra, letra e parë ka qenë: njohja reciproke, dhe pastaj aty është heq ajo fjalë, me kushtin që ta pranojë Serbia njohjen e Izraelit”.