Haradinaj: I drejt vendimi i Kurtit për ta refuzuar takimin e 11 majit

Ish kryeministri i vendit, Ramush Haradinaj e ka vlerësuar si të drejtë refuzimin që i bëri kryeministri aktual, Albin Kurti, takimit të 11 majit, i cili ishte paracaktuar nga Bashkimi Evropian, e që konsiderohej si nisje e dialogut Kosovë- Serbi.

Haradinaj, i cili është kryetari i AAK, parti kjo në opozitë, ka thënë së takimet e formatit të tillë, duhet paraprakisht të dakordohen me institucionet e Kosovës

Kurti refuzon të marr pjesë në takimin e 11 majit

“Refuzimi i Kryeministrit Kurti të takimit të 11 majit është i drejtë. Ai takim ishte caktuar nga Borell e Vuçiq pa konsultim me palën kosovare. Takimet e formatit të tillë, duhet paraprakisht të dakordohen me institucionet e Kosovës”, ka thënë Haradinaj.

Postimi i plotë i Haradinajt:

Refuzimi i Kryeministrit Kurti të takimit të 11 majit është i drejtë.

Ai takim ishte caktuar nga Borell e Vuçiq pa konsultim me palën kosovare. Takimet e formatit të tillë, duhet paraprakisht të dakordohen me institucionet e Kosovës.

Praktika e dakordimit Bruksel – Beograd, duke nxjerrë Kosovën para aktit të kryer, nuk do të pranohet asnjëherë nga Kosova.