Haradinaj e vazhdon fushatën në Vushtri dhe në Mitrovicë

Kryetari i Aleancës për Ardhmërinë e Kosovës, Ramush Haradinaj ka vazhduar edhe enjten takime elektorale me përkrahesit dhe simpatizantët e AAK. Takime të ndara ka zhvilluar në Vushtrri dhe në Mitrovicë.

Haradinajn në Vushtrri ka theksuar se me mbështetësit e shumtë që ka kjo parti  në Vushtrri u pajtuan se vetëm të bashkuar mund të tejkalojmë krizën e të vazhdojmë përpara.

“Me të drejtë e theksoj se Aleanca është adresë e mbrojtjes së interesave kombëtare, balancimit të pushteteve, rrugëtimit drejt NATO-së, apo referendumit për bashkim me Shqipërinë”, ka theksuar Haradinaj në Vushtrri.

Ndërkohë në Mitrovicë, Haradinaj para simpatizantë të tij ka theksuar se nga Mitrovica e Isa Boletinit, ju garantoj, se nëse unë do të jem President i këtij vendi, Vuçiqi nuk do të mund as ta luftojë e as ta mund Kosovën.