fbpx
Lidhu me Ne!

Kosovë

Haradinaj: Deklaratat e Kurtit janë skandaloze

Nuk mund të barazohen krimet e luftës të Serbisë me asnjë popull të ish-Jugosllavisë e aq më pak me shqiptarët

Publikuar

Kryetari i AAK-së, Ramush Haradinaj, ka thënë se deklaratat e kryeministrit Albin Kurti në Bruksel ishin skandaloze. Haradinaj ka folur për deklaratat e Kurtit në darkën e liderëve të Ballkanit Perëndimorë që u mbajt në maj.

Kurti aty ka thënë se kriminelët e luftës duhet të largohen nga institucionet në Ballkan. E kryetari i AAK-së dhe njëherësh edhe deputeti në Kuvendin e Kosovës ka thënë se këto deklarata ishin skandaloze dhe të njëjta me ish-ministrin Aleksandër Jabllanoviq.

Jabllanoviq kishte quajtur “egërsira” nënat e të zhdukurve të luftës më 2015 dhe pastaj VV kishte thirrur protesta për shkarkimin e tij. Haradinaj thotë se këto deklarata ishin të njëjta.

“Atëherë kërkuan shkarkimin e Jabllanoviqit. Ja kërkuan Mustafës dhe dolën në protesta”, tha ai në T7.

“Nuk e ka bërë për nënat, por për djemtë që janë munduar t’i mbrojnë ato nëna. Djemtë e Gjakovës janë munduar me aq sa munden të mbrojnë banorët ndaj një force shumë më të madhe. Është dashur të ketë kujdes se cfarë po flet. Nuk mund të barazohen krimet e luftës të Serbisë me asnjë popull të ish-Jugosllavisë e aq më pak me shqiptarët”, shtoi Haradinaj.

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021