Hapet konkursi për përzgjedhjen e Komisionerit të Agjencisë për Informim dhe Privatësi

Komisioni për Çështje të Sigurisë dhe Mbrojtjes ka vendosur që të rihape konkursin për përzgjedhjen e Komisionerit të Agjencisë për Informim dhe Privatësi.

Sipas Ligjit për Mbrojtjen e të Dhënave Personale, Komisioni dhe Kuvendi janë përgjegjës për zgjedhjen e Komisionerit të Agjencisë për Informim dhe Privatësi. Ka pasë disa konkurse që kanë dështuar.

Sipas ligjit aktual duhet të zgjedhet personi që merr më shumë vota.

Deputeti i Vetëvendosjes, Enver Dugolli, ka thënë se s’është e nevojshme të ndryshohet këtë ligj dhe se është i pajtimit që procedohet drejtpërdrejt me shpalljen e konkursit.

Po ashtu edhe deputeti i PDK-së Elmi Reçica ka thënë se meqë tani ka një stabilitet të votave kjo çështje duhet të procedohet në bazë të rregullave.