Haki Abazi del kundër Albin Kurtit

Deputeti i Lëvizjes Vetëvendosje, Haki Abazi ka dalur kundër idesë së Kryeministrit Albin Kurtit që Blerim Shala të jetë pjesë e delegacionit për bisedime me Serbinë.

Sipas tij, Shala ka qenë joproduktiv në dialog sa udhëheqej nga Hashim Thaçi, njofton Klan Kosova.

Ky reagim i tij vie pas raportimit ekskluziv të Klan Kosovës, se Kurti iu ka bërë ftesë, Veton Surroit dhe Blerim Shalës për të qenë pjesë e procesit të dialogut në Bruksel.

”Roli i Blerim Shales në dialogun e udhëhequr nga Hashim Thaçi, ka qenë joproduktiv dhe në përkrahje të degradimit të subjektivitetit ndërkombëtar të shtetit të Kosovës. Procesi i deritanishëm i dialogut ka prodhuar dëme vështirë të riparueshme, e ka dobësuar pozitën negociuese të Kosovës, dhe ka krijuar rrethana të favorshme për Serbinë.

Në asnjë mënyrë nuk duhet të aplikohet mendësia e vjetër e aq me pak të sigurohet pjesemarrje pa legjitimitet qytetarë në nje proces kaq jetik të individëve që kanë kontribuar në rezultatet negative të shtetndërtimit në dekadën e kaluar”.