GJK: Dërgimi i letrave, përben standard

Gjykata Kushtetuese e Kosovës, përmes një reagimi për medie, ka mbrojtur letrën e kryetares Arta Rama, drejtuar Kryeministri Albin Kurti, duke i uruar këtij të fundit për pozitën e kryeministrit. Një veprim i tillë sipas Gjykatës Kushtetuese përben standard dhe letra të ngjashme sic janë dërguar edhe me herët do të dërgohen edhe në të ardhmen.

“Dërgimi i letër-urimeve me rastin e emërimeve të zyrtarëve më të lartë shtetëror në Republikën e Kosovës: President, Krye parlamentar, Kryeministër, Kryetar i Gjykatës Supreme, Avokat i Popullit dhe bartës të tjerë institucional, ka qenë dhe do të mbetet praktikë e Gjykatës Kushtetuese edhe në të ardhmen”, thotë GJK-ja. Tutje theksohet se letër-urimet e tilla janë dërguar nga Gjykata edhe në rastin e zgjedhjes së kryeministrave pa dallim të përkatësisë partiake, pra si nga PDK, LDK, AAK dhe së fundi edhe LVV.

“Kjo pra assesi nuk duhet dhe nuk mund të perceptohet si “nënshtrim” ndaj asnjë institucioni tjetër, por ekskluzivisht dhe vetëm si shprehje e vullnetit të mirë për bashkëpunim ndër-institucional, me qëllim të promovimit dhe të mbrojtjes së kushtetutshmërisë dhe ligjshmërisë në vend”.