Gary Neville: “Trungu i pemës është hequr, ti heqim edhe rrënjët”

Gary Neville ka bërë thirrje për pastrim total të klubit, më saktësisht të bordeve e pronarëve të cilët kanë qenë të përfshirë në marrëzinë e Superligës Evropiane.

Manchester United i janë bashkuar Tottenhamit, Manchester Cityt, Liverpoolit, Chelseat dhe Arsenalit duke u larguar përfundimisht nga Superliga Evropiane, pas një presioni të pamëshirshëm gjatë 2-3 ditëve të fundit.

Pak para largimit të Manchester United nga Superliga Evropiane, i shumë kritikuari Ed Woodward ka dhënë dorëheqje nga pozita e nënkryetarit ekzekutiv, dhe Gary Neville tash kërkon që rrugën e njejtë ta ndjekin edhe pronarët amerikan.

“Ata e kanë sulmuar çdo fans të klubit në këtë shtet, me atë që ata kanë bërë. Glazers nuk kanë vend më në Manchester” – është shprehur Gary Neville, për Sky Sports.