Dy shpërthime me shok bomba në Mitrovicë të Veriut

Në Mitrovicë të Veriut kanë ndodhur dy shpërthime me shok bomba në mbrëmjen e 7 dhjetorit.

Drejtori i Policisë së Kosovës për rajonin e Mitrovicës së Veriut, Besim Hoti, i tha Radios Evropa e Lirë se nga këto shpërthime nuk ka të lënduar.

“Kanë ndodhur dy shpërthime me shok bomba. Nuk ka dëme e as të lënduar. Një është hedhur në një udhëkryq në Lagjen e Boshnjakëve dhe një në Kodrën e Minatorëve. Ka shtëpi të banuara në afërsi, mirëpo nuk ka të lënduar. Këto janë shok bomba, nuk kanë aftësi shkatërruese, por kanë një efekt jashtëzakonisht të madh të zërit”, tha Hoti.

Lagjja e Bosnjakëve është një vendbanim shumetnik, ku jetojnë shqiptarë, serbë dhe boshnjakë.