fbpx
Lidhu me Ne!

Kosovë

Deputeti i VV: Kur Donika ka folur për dosjet në speciale, ka qënë në LDK

Deputeti i VV’së tutje ka thënë se opozita e ka shënjestruar Gërvallën për shkak të deklarimeve të saj të mëhershme. Derisa shton se tash si ministre, Gërvalla e ka për detyrë që ta mbrojë luftën e UÇK’së

Publikuar

Deputeti i Lëvizjes Vetëvendosje, Arbër Rexhaj, në një intervistë për T7 ka folur edhe për deklaratën e disa viteve më parë të Donika Gërvallës rreth mundësisë së dorëzimit të dosjeve në Gjykatë Speciale kundër krerëve të UÇK’së.

Rexhaj ka thënë se në kohën kur i ka thënë Gërvalla ato deklarata ka qenë pjesë e Lidhjes Demokratike të Kosovës dhe se në ato kohë Gërvalla e Vetëvendosje kanë pasur rrugë të ndara.

 “Vetëm mos të harrojmë një gjë, rruga politike e Lëvizjes Vetëvendosje dhe Donika Gërvallës për vitin dhe vitet që po flasim ka qenë e ndarë. Donika i ka takuar një subjekti politik siç ka qenë LDK’ja dhe natyrisht i ka shprehur qëndrimet e LDK’së, normalisht nuk ka mundur t’i shpreh qëndrimet e LVV’së në atë kohë. Dhe në këtë relacion, mendoj qe ato qëndrime  kanë qenë personale, te ardhura nga një vije politike e së kaluarës. Tash si ministre, mendoj se zonja Gërvalla është në vijë të plotë me Qeverinë Kurti. Ne Vetëvendosje luftën e UÇK’së e shohim si vlerë sublime”, ka thënë Rexhaj.

Deputeti i VV’së tutje ka thënë se opozita e ka shënjestruar Gërvallën për shkak të deklarimeve të saj të mëhershme. Derisa shton se tash si ministre, Gërvalla e ka për detyrë që ta mbrojë luftën e UÇK’së.

“Shënjestra opozitare është Donika. Mendoj se e kanë zgjedhur atë për shkak të deklarimeve partiake që i ka bërë një kohë dhe janë personale të saj. Si Donika dhe si ministre e mbron dhe e ka për detyrë ta mbrojë luftën e Ushtrisë Çlirimtare të Kosovës”, ka thënë Rexhaj.

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021