Departamenti i Shtetit i rreptë në përgjigjën ndaj batalionit Atlantiku

Shtetet e Bashkuara të Amerikës i kanë dhënë mbështetjen e plotë një gjykate ndërkombëtare për krime lufte në Hagë që paditi kohët e fundit ish-presidentin e Kosovës, Hasim Thaçi dhe katër komandantë të tjerë të ish-Ushtrisë Çlirimtare të Kosovës (UÇK) që luftuan kundër Serbisë.

Kështu shkruan Euronews, sipas të cilit medium, Departamenti i Shtetit tha se Dhomat e Specializuara të Kosovës dhe Zyra e Prokurorit të Specializuar “kanë besimin e plotë të qeverisë amerikane” një ditë pasi një shoqatë e ish-luftëtarëve të UÇK-së që jetonin në SHBA i shkroi presidentit Joe Biden duke i kërkuar atij të tërhiqte mbështetjen e tij.

Gani Shehu – një ish anëtar i Batalionit Atlantiku, shqiptarët e diasporës të Kosovës që u kthyen në Kosovë në 1999 për të luftuar pushtimin serb – i shkroi presidentit Biden më 24 mars, duke bërë thirrje që kjo gjykatë të “çrrënjosej” nga shtëpia e tij aktuale në Hagë dhe të zhvendosej në Kosovë.

Sipas Euronews, përcjell Telegrafi, ai pretendoi se gjykata, e cila akuzoi Thaçin dhe katër komandantë të tjerë të lartë për krime lufte në nëntor 2020, po përdoret nga kombet evropiane për të minuar marrëdhëniet e Kosovës me SHBA.