David Beckham: Loja që duam është në rrezik

David Beckham përmes një postimi në rrjetin e tij Instagram ka shkruar mbi rrezikun që po i kanoset futbollit me krijimin e Superligës Evropiane.

“Unë jam dikush që e dua futbollin. Ka qenë jeta ime për aq sa mund ta kujtoj. E kam dashur që kur kam qenë si fëmijë tifoz, dhe prap tifoz tani. Si lojtar dhe si pronar i një klubi tani unë e di që sporti nuk është asgjë pa tifozët. Futbolli duhet të jetë për të gjithë. Duhet që futbolli të jetë i drejtë dhe na duhet kompeticione të bazuara në merita. Derisa nuk i përkrahim këto vlera, atëherë loja që duam është në rrezik…” – ka shkruar David Beckham, në profilin e tij në Instagram.

Reagime të shumta mbi krijimin e Superligës Evropiane ka pasur edhe nga futbollistë e sport dashës tjerë anë e mbanë globit./tipografi/