Dalin 100 € për punonjësit e sistemit arsimor

Ministria e Financave ka njoftuar se të martën ka bërë ekzekutimin e pagesë së shtesës në shumë prej 100 euro për punjonjësit e sistemit arsimor.

“Ministria e Financave njofton se është përfunduar me sukses ekzekutimi i pagesës së shtesës në shumë prej 100 euro për punonjësit e sistemit arsimor parauniversitar të sektorit publik në Republikën e Kosovë”, thuhet në njoftimin e MF.

Mjetet e paguara për këtë qëllim, sipas MF-së janë ndarë nga Programi për Rimëkëmbje Ekonomike, i aprovuar më 14 janar 2021, konkretisht nga masa 2 – për mbështetjen e sektorit të arsimit për të mundësuar mbarëvajtjen e mësimit gjatë vitit shkollor 2020/21.

Ekzekutimi i pjesës së dytë të shtesës prej 100 euro, Ministria ka thënë se është planifikuar të realizohet në muajin maj 2021 nga i njëjti burim i financimit./tg/