Covid 19 i merr jetën një foshnjeje 37-ditëshe

Një foshnje 37-ditëshe është viktima më e re në moshë në Greqi që ka humbur jetën si pasojë e koronavirusit Covid-19.

“Kathimerini” raporton se foshnja ishte shtruar në spitalin e fëmijëve “Aglaia Kyriakou”.

Fëmija nuk raportohet të kishte lindur me probleme shëndetësore apo sëmundje të tjera, por u infektua vetëm pak ditë pas lindjes. Për 20 ditë, foshnja luftonte për jetën, por nuk mundi të mbijetonte përballë agresivitetit të virusit Covid-19, shkruan tvklan. Foshnja 37-ditëshe ishte një nga 39 viktimat që humbën jetën në Greqi një ditë më parë brenda 24 orëve.

Autoritetet shëndetësore greke raportuan dje se të infektuarit në 24 orë ishin 1165 persona nga 19 mijë testime që u kryen në total.

Shumica e të infektuarve janë në rajonin e Athinës, më pas renditet Selaniku e qytete të tjera si Larisa./tipografi/