Çka mendojnë SHBA-të, për Kurtin dhe Osmanin?

Ambasadori i SHBA-së në Prishtinë, Philip Kosnett ka thënë se i njeh mjaft mirë Albin Kurtin dhe Vjosa Osmanin dhe mendon se është e qartë që në Kosovë ekziston një dëshirë e madhe për t’iu dhënë rastin për ta formuar qeverinë dhe udhëhequr vendin.

“Mendoj se ata kanë vizion e energji dhe kjo është kohë shumë emocionuese për Kosovën”, ka thënë Kosnett.

Kosnett në emisionin Pressing të T7 tha se zgjedhjet ishin të lira, të drejta dhe profesionale dhe se ekziston një dëshirë e madhe në Kosovë për t’iu dhënë rastin Albin Kurtit dhe Vjosa Osmanit për ta formuar qeverinë e re.

“Isha shumë i mahnitur me rezultatin e zgjedhjeve në Kosovë. Duket që ishin të lira, të drejta, sigurisht që u mbajtën në mënyrë të sigurt dhe profesionale. Sigurisht janë disa hetime duke u zhvilluar dhe gjithmonë ka mësime që nxirren”, ka thënë Kosnett.

Ambasadori amerikan ka thënë se i njeh mjaft mirë Albin Kurtin dhe Vjosa Osmanin dhe mendon se është e qartë që në Kosovë ekziston një dëshirë e madhe për t’iu dhënë rastin për ta formuar qeverinë dhe udhëhequr vendin. /tg/