Çfarë rruge ndoqën hakeret për të sulmuar sistemin e tatimit në pronë?

Në bazë të asaj cka është konfirmuar deri me tash hakeret kanë tentuar që përmes rrugëve alternative elektroni te kenë qasje në sistemin informativ të tatimit në pronë. Duke përdorur të dhëna nga regjistri civil, sulmuesit, që sipas Ministrisë së Financave pa sukses, kanë tentuar të kenë qasje në Sistemin Informativ të Tatimit në Pronë.

Të paktën kështu ka thënë Ministria e Financave në një njoftim të lëshuar për medie për këtë rast.

“Ministra e Financave njofton qytetarët e Republikës së Kosovës se Sistemi Informativ i Tatimit në Pronë, më saktësisht shërbimi online për shtypjen e faturës së tatimit në pronë është tentuar të keqpërdoret nga sulmues kibernetikë të pa-identifikuar deri me tani, të cilët kanë përdorur të dhëna personale të Regjistrit Civil të Republikës së Kosovës përmes të cilave kanë tentuar të lexojnë të dhënat e faturave të tatimit në pronë”, thuhet në njoftim.

Ministra e Financave ka siguruar qytetarët se sulmi i tentuar nuk ka arritur të cenojë integritetin dhe sigurinë e Sistemi Informativ në fjalë.  “Rasti është paraqitur dhe tani më të po merren organet kompetente”, thuhet në njoftim ./tg/