Çfarë po ndodhë me Eden Hazard?

Madrelienëve po u mungon krijuesi i ndryshimeve përkrah Karim Benzema, mirëpo përfaqësuesi belg nuk po mund ta gjejë rrugën drejt rikuperimit.

Që kur Cristiano Ronaldo u largua nga Santiago Bernabeu në vitin 2018, Karim Benzema ka marrë përsipër barrën e golave ​​për Madridin. Megjithëse francezi e ka bërë këtë në mënyrë të mrekullueshme, ai përsëri ka nevojë për ndihmë, shkruan Goal.

Real Madrid ka paguar 100 milion Euro për reprezentuesin belg, edhe pse Hazard ishte në vitin e fundit të kontratës së tij me Chelsean.

Që nga ajo kohë Eden Hazard ka luajtër më pak se gjysmën e ndeshjeve, duke kompletuar nga 90 minuta vetëm në 4 raste.

Ai poashtu ka shënuar vetëm katër gola në 36 paraqitje në të gjitha garat, për shkak që po i merr shumë kohë rikuperimi nga lëndimet, dhe në momentin që rikthehet po e pret prap një fat i keq me lëndime të rradhës. /tg/