Çfarë moti na pret deri në fundjavë?

Në fundjavë pjesë të një sistemi të shpartalluar frontal nga Evropa veriore do të depërtojnë edhe nga rajoni ynë që sjellin vranësira, e në të njëjtën kohë edhe masa më të ftohta ajrore të cilat zbresin temperaturat nga dita e diel.  Të shtunën vonë gjatë natës mund të ketë riga lokale shiu.  E në fillim të javës së parë të marsit do të mbajë mot më i ftohtë, me vranësira dhe intervale me diell, me mundësi për riga lokale shiu, e në zona malore ndoshta mundësi për reshje të pakta bore.

Indeksi i cilësisë së ajrit mbetet në vlera të dobëta dhe shumë të dobëta edhe gjatë kësaj periudhe, shkaku i motit stabil dhe pa qarkullim të mirë ajror.  E në përkeqësim të cilësisë së ajrit do të ndikoj edhe rritja e koncentrimit të pluhurit saharian, që do të jetë prezent gjatë këtyre ditëve.  Megjithatë nga fundjava po parashihet të kemi erëra, të cilat do të ndihmojnë në shpërndarjen e ndotësve ajror e cilësia e ajrit do të përmirësohet, ku do të zbres edhe në vlera të mjaftueshme dhe të mira.

25.02 – Mot më i ngrohtë, kryesisht i kthjellët dhe me diell.  Në mëngjes përgjatë ultësirave me mundësi për mjegull apo mjegullinë.

26.02 – Në mëngjes përgjatë ultësirave mundësi për mjegull ose mjegullinë.  Ditën ngrohtë, me kthjellime dhe diell.

27.02 – Pas mëngjesit me kthjellime dhe mjegull në ultësira, ditën mbetet mot i butë, me shtim të vranësirave orëve të pasdites dhe mbrëmjes.  Më vonë gjatë natës me mundësi për riga lokale shiu.

28.02 – Më ftohtë, pa të reshura, me vranësira të ndryshueshme dhe intervale me diell.

1.03 – Pas mëngjesit me ngrica të lehta, ditën ftohtë, kryesisht me vranësira dhe intervale me diell.  Në mbrëmje mundësi për riga lokale shiu, e në vise më të larta malore reshje të pakta bore.

Temperaturat mbeten të larta deri në fundjavë, e nga dita e diel pësojnë rënie.  Minimalet do të luhaten nga 0C deri në 2C, e ditën e hënë zbresin edhe në -2C, e maksimalet luhaten nga 16C deri 18C, e prej ditës së diel zbresin në 8C dhe 7C.

Era do të fryj drejtimesh të ndryshme e lehtë 1-4m/s, e në fundjavë mesatare nga verilindja 5-11m/s.

Shtypja atmosferike mbetet lartë mbi vlera normale dhe do të luhatet mbi ato vlera./pw/