fbpx
Lidhu me Ne!

Lajme

Berisha bashkë me mbështetësit futet në selinë e PD-së, brenda objektit gjendet Lulzim Basha

Pas futjes në ambientet e shtëpisë së PD-së, nuk munguan as akuzat për Bashën. Ai e akuzoi atë për “marrjen e karrigeve”.

Publikuar

Ish-lideri i Partisë Demokratike, Sali Berisha pas Kuvendit të 11 dhjetorit ka mbërritur në selinë blu për të zhvilluar një mbledhje bashkë me 29 anëtarët e Komisionit të Rithemelimit.

Berisha theksoi se sot kanë ardhur për të sjellë vullnetin e shumicës së demokratëve shqiptarë.

“Jemi rikthyer për të risjellë vullnetin e shumicës së shqiptarëve. Siç e shihni janë anëtarët e Komisionit të Përkohshëm të PD-së të zgjedhur në Kuvendin e fundit, të cilët kanë ardhur të vendosen në selinë e demokratëve dhe të diskutojnë për problemet e rëndësishme të të ardhmes. Tani ne po ngjitemi sipër”, u shpreh Berisha në hyrje të selisë.

Ai deklaroi se me zyrën e Lulzim Bashës nuk ka askush punë, por deklaroi se “sot vijmë këtu për të bërë një mbledhje. Deputeti Basha deri më datën 18 duhet të reflektojë për vendimin e Kuvendit më të jashtëzakonshëm në historinë e kombit”.

Pas futjes në ambientet e shtëpisë së PD-së, nuk munguan as akuzat për Bashën. Ai e akuzoi atë për “marrjen e karrigeve”.

“Çmenduria e Bashës, ka marrë të gjitha karriget”, tha ai.

Ky i fundit theksoi se vendimet që do të merren pas mbledhjes dhe do të bëhen publike edhe për mediet.

Në mbledhjen e Bashës të pranishëm janë Gazmend Bardhi, Alfred Rushaj, Jonila Godole, Jemin Gjana dhe Fitim Zekthi.

Nga ana tjetër, Berisha dhe 28 anëtarët e tjerë të Komisionit të Rithemelimit janë vendosur në sallën e mbledhjes së grupit parlamentar. /Ora News/

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021