Beqiri: LDK, duhet ta rigjejë prijësin e munguar

Xhavit Beqiri, ish këshilltar i kryeministrit aktual Avdullah Hoti, në një shkrim në Facebook, ka thënë se LDK, duhet ta rigjejë prijësin e munguar.

“LDK-në e ka themeluar elita intelektuale dhe atdhetare e Kosovës me platformën nacionale ‘Liri, Pavarësi, Demokraci’. Asaj i printe një studiues e albanolog i shkëlqyeshëm, dr. Ibrahim Rugova, i cili LDK-në e shndërroi në frymë, në besim”, ka shkruar ai.

Për t’u rilindur ajo frymë e ai besim, sipas Beqirit Lidhja duhet të kthehet në zanafillë, duhet ta rigjejë prijësin e munguar, i cili rreth vetes do ta rimbledhë elitën e Kosovës!

“LDK-ja i duhet Kosovës, kurse LDK-së i duhet një prijës!”, ka shkruar ai.