Autobus të shumtë bllokojnë disa rrugë të Prishtinës

Autobusë të shumtë të qyteteve të ndryshme të Kosovës ia kanë mësyrë Prishtinës, kjo në shenjë pakënaqësie të mossubvencionimint nga Qeveria e Kosovës. Autobusët pikënisjen e kanë në stacionin e Autobusëve në kryeqytet e më pas do të bëjnë parakalim nëpër rrugët e Prishtinës e deri tek objekti i Qeverisë së Kosovës.

Ndërkohë Shoqata e Transportit Rrugor të Udhëtarëve kanë ndërprerë qarkullimin e autobusëve që nga e mërkura.

Ndryshe nga e mërkura për dy ditë nuk  ka pasur  transport të udhëtarëve në gjithë vendin, për shkak të mos përmbushjes së marrëveshjes ndërmjet Shoqatës së Transportit të Udhëtarëve dhe Qeverisë së Kosovës për subvencionin e operatorëve në këtë sektor.

Kryetari i SHTU-së, Ruzhdi Kurtishaj ka thënë së  operatorët presin të mbështetën nga institucionet për shkak të humbjeve nga pandemia COVID-19, shkruan Telegrafi. “Këshilli drejtues i Shoqatës së Transportit të Udhëtarëve në kuadër të Odës Ekonomike të Kosovës ka marr vendim që të hyjë në grevë, përkatësisht protestë për shkak të moszbatimit të marrëveshjes për mbështetje, përkatësisht subvencionim të operatorëve rrugorë. Andaj, në zbatim të këtij vendimi, nga nesër [e mërkurë] operatorët e transportit të udhëtarëve do të hyjnë në grevë për dy ditë dhe nuk do të kenë mundësi që udhëtarët të udhëtojnë nëse nuk zbatohet marrëveshja”, tha Kurtishaj./tipografi/