fbpx
Lidhu me Ne!

Kosovë

Barani: Sveçla ishte mjek i UÇK-së, ka lëvizur ku kishte nevojë

Këta që deklarojnë rrejshëm nuk bëjnë mirë. I pashë edhe disa komente që i kanë bërë, kanë fyer e kanë sharë ashtu që e fëlliqin edhe WC-në disa fundërrina të Kosovës që nuk kanë lidhje as me luftë as me asgjë dhe e mbrojnë një të pavërtetë që nuk mund as ta mbrojnë se është rrenë e kulluar

Publikuar

Ish-ushtari i UÇK-së, Halit Barani, ka thënë se nuk është e vërtetë se Skender Tahiri ka qenë komandant në Kodër të Baranve duke iu referuar raportimeve të disa mediave.

“Nuk e di pse deklarojnë njerëzit të pavërteta. Në Kodër të Baranve përgjegjës kanë qenë vetë Baranët. Këta që deklarojnë rrejshëm nuk bëjnë mirë. I pashë edhe disa komente që i kanë bërë, kanë fyer e kanë sharë ashtu që e fëlliqin edhe WC-në disa fundërrina të Kosovës që nuk kanë lidhje as me luftë as me asgjë dhe e mbrojnë një të pavërtetë që nuk mund as ta mbrojnë se është rrenë e kulluar”, tha ai.

Tutje theksoi se Tahiraj nuk ka qenë komandant në Kodër të Baranve, siç ka deklaruar.

“Unë i pashë komentet që i kanë bërë për mua personalisht. Skenderin [Tahiri] e falënderojmë për ndihmën që i ka dhënë një anëtari të familjes time sa ka qenë drejtor i “Unitetit” në Mitrovicë. Nuk qëndron që ka deklaruar Skenderi se ka qenë komandant në Kodër të Baranve. Komandant i togut ka qenë Sadri Barani dhe jo Skender Tahiri i cili nuk ka qenë asnjëherë prezent në Kodër të Baranve as gjatë luftës e as para luftës, derisa pas luftës ka mundësi që ka qenë”, u shpreh ai.

Barani, në Klan Kosova, ka deklaruar se është e vërtetë se Xhelal Sveçla [tash Ministër i Punëve të Brendshme] ka qenë pjesë e UÇK-së. Ai nuk e ka komentuar deklaratën e ish-komandantit Skender Tahiri që tha se Sveçla ishte dezertor, por tha se ky i fundit ishte mjek dhe si i tillë ka lëvizur nëpër njësite të ndryshme.

“Xhelal Sveçla ka qenë mjek i UÇK-së. Ka filluar në Kodër të Baranve me njësitin “Ylli 98”, derisa mjekët kanë lëvizur nëpër njësite të ndryshme. A ka dezertuar a jo nuk e di, sepse mjekët kanë lëvizur nëpër njësite të ndryshme për t’i dhënë ndihmë aty ku ka pasë nevojë ushtarëve të UÇK-së, por edhe popullatës civile”, u shpreh Barani.

Vazhdo më shumë

Radio Tipografi

Hapësir reklamuese

Facebook

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021