fbpx
Lidhu me Ne!

Lajme

Arben Vitia, kryeministër?

Publikuar

Arben Vitia, ish-ministri i Shëndetësisë nga radhët e Lëvizjes Vetëvendosje, ka gjasa që të propozohet për Kryeministër i vendit, dhe kjo deri në shtator, ku ai mund të tërhiqej e pastaj të zgjidhet kreu i LVV, Albin Kurti si kryeministër.

Kështu mendon Albert Krasniqi nga KDI-ja, i cili thotë se Vetëvendosje mund të na befasojë me Arben Vitinë ose ndonjë emër tjetër për kryeministër.

Kjo pasi që Kurti deri në shtator e ka në fuqi dënimin dhe disa parti kanë paralajmëruar se ai mund të përfundojë në Kushtetuese si kryeministër.

“Të shohim tani kush do të jetë kandidati, mund të na befasojnë me një kandidat tjetër. Mund të jetë zoti Vitia ose dikush tjetër nga radhët e VV-së deri në afatin e skadimit të muajit shtator, e pastaj ai të dorëhiqet e pastaj të zgjidhet zoti Kurti”, ka thënë Krasniqi në Dukagjin,

Pas certifikimit të rezultateve përfundimtare të zgjedhjeve të parakohshme parlamentare të 14 shkurtit nga Komisioni Qendror i Zgjedhjeve (KQZ), partitë politike në bazë të numrit të votave të fituara kanë siguruar edhe ulëse në Kuvendin e Kosovës.

Lëvizja Vetëvendosje (LVV) e cila ka marrë 438.335 vota apo 50.28 për qind, ka fituar 58 ulëse në Kuvend, ndërsa Partia Demokratike e Kosovës 148.285 vota apo 17.009 për qind ka fituar 19 ulëse.

Ndërkaq, Lidhja Demokratike e Kosovës (LDK) 110.985 vota apo 12.731 për qind ka marrë 15 ulëse në parlament duke vijuar më pas me Aleanca për Ardhmërinë e Kosovës (AAK) e cila ka fituar 62.111 vota apo 7.124 për qind, ka marrë 8 ulëse të deputetit në Kuvendin e Kosovës.

Ndërsa, Lista Serbe e cila ka fituar 44.407 vota 5.094 për qind ka marrë 10 ulëse në Kuvend të cilat i ka të garantuara me Kushtetutë/Tipografi/.

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021