Ambasada britaneze, ftesë partive për t’i respektuar masat anti-Covid

Ambasada e Mbreterisë së Bashkuar në Kosovë ka reaguar me shqetësim ndaj mos respektimit të masave anti Covid nga partitë politike gjatë takimeve elektorale.

Anglezet theksojne se janë shqetësuese fotografitë që i kemi parë me turma dhe tubime, pa distancë sociale.

“Me miqtë dhe familjarët tanë të izoluar në Mbretërinë e Bashkuar, e dimë të gjithë se kjo pandemi nuk ka përfunduar dhe nuk duam ta shohim të njëjtën gjendje sërish për miqtë tanë në Kosovë. Këto zgjedhje janë të rëndësishëm, por janë shqetësuese fotografitë që i kemi parë me turma dhe tubime, pa distancë sociale”, thuhet në reagimin e ambasadës britanike.

“Ne u kërkojmë të gjitha partive dhe përkrahësve të tyre t’u përmbahen masave të Covid-19, tash që fushata zgjedhore është hapur zyrtarisht”, thuhet tutje në reagimin e ambasadës.