A do të ketë kontingjente të tjera me vaksina? Ja çka thotë BE

Për zyrën e Bashkimit Evropian në Prishtinë, arritja e dozave të para të vaksinave, është vetëm fillimi i fundit të COVID-19 në Kosovë.

Kështu ka deklaruar u.d. i shefit të Zyrës së BE-së në Kosovë, Riccardo Serri, i cili tha po ashtu së do të ketë edhe kontigjente të tjera të tyre që pritet të pranojë Kosova, javëve dhe muajve në vazhdim.

”Sot mund themi se është fillimi i fundit të COVID-19 në Kosovë. Kampanja e mirë e vaksinimit, mund të krijojë zgjidhje për problemin. Sot Kosova pranoi dorëzimin e 24 mijë dozave të para të vaksinave antiCOVID-19”, tha ai.

”Më shumë vaksina do të vijnë në javët e ardhshme, në muajt në vazhdim. Komisioni Europian është duke bashkëpunuar edhe më tutje për të siguruar dorëzimin tjetër të vaksinave të radhës muajve në vazhdim”.

Ai ka falënderuar të gjithë ata që kontribuan për këtë arritje sot, duke përmendur kështu institucionet e Kosovës dhe të tjera përfaqësi të vendit”.