fbpx
Lidhu me Ne!

Kosovë

32 vjet nga ri pushtimi i Kosovës nga Serbia

Publikuar

Kushtetuta e vitit 1974 , u ndryshua dhe u suprimua autonomia e Kosovës në ish-Federatën jugosllave, duke e lënë atë si pjesë të Serbisë. E tera kjo ndodhi dhunshëm pikërisht sot e 32 vjet më parë, pra me 23 mars të vitit 1989 dhe atë në Kuvendin e atëhershëm të Kosovës, i cili ishte  i rrethuar me tanke dhe ushtri, pra nën një shtetrrethim të plotë. Synimi i Serbisë ishte heqja e autonomisë që e gëzonte Kosova në kuadër të ish federatës Jugosllave.

Nga 190 delegatët e pranishëm  në Kuvend, 10 prej tyre, edhe pse nën presionin e shtetrrethimit të hekurt, kishin votuar kundër këtij suprimimi, e në mbrojtje të pozitës kushtetuese të Kosovës.

Në demonstratat kundër suprimimit të autonomisë dhe me kërkesa për krijimin e Republikës së Kosovës, ranë rreth 30 dëshmorë, qindra u plagosën dhe qindra të tjerë u arrestuan dhe u dënuan me burg. E tërë fushata kundër Kosovës kishte filluar nga serbët në Fushë Kosovë, më 1987, e cila njihet edhe si lëvizja serbe antishqiptare, ku edhe fillon ardhja në pushtet e kasapit të Ballkanit, Sllobodan Millosheviq./tg/