fbpx
Lidhu me Ne!

Kronikë e zezë

21-vjeçarja shkoi te ‘hoxha’ që lexonte Kuran për shërim, dyshohet se u dhunua nga ai

Tutje bëhet e ditur se prokurori i Shtetit ka bërë kërkesë për ekzaminimin mjekoligjor të viktimës, ndërsa do të bëhet edhe kërkesa për caktimin e masës së paraburgimit ndaj të dyshuarit.

Publikuar

Prokuroria Themelore në Prishtinë ka njoftuar se është ndaluar për 48 orë i dyshuari për dhunim e një 21-vjeçareje në Fushë Kosovë.

Në njoftimin e Prokurorisë bëhet e ditur se i dyshuari ishte paraqitur si person që ndihmon njerëzit përmes këndimit të Kuranit, ndërkaq rasti ka ndodhur në banesën e tij në Fushë Kosovë. 

 “I dyshuari, i paraqitur si person në këndim të Kuranit (Rukexhi) për shërimin e sëmundjeve të ndryshme, dyshohet se në banesën e tij në Fushë Kosovë, gjersa kishte pranuar viktimën për ofrimin e shërbimit-trajtimin shëndetësor, i njëjti ka kryer veprën penale të lartcekur”, thuhet në njoftim.

Tutje bëhet e ditur se prokurori i Shtetit ka bërë kërkesë për ekzaminimin mjekoligjor të viktimës, ndërsa do të bëhet edhe kërkesa për caktimin e masës së paraburgimit ndaj të dyshuarit.

“Prokurori i Shtetit, ka lëshuar urdhëresë për ekzaminim mjeko-ligjor për viktimën, ndërsa brenda afatit ligjor do të paraqet kërkesë për caktimin e masës së paraburgimit ndaj të dyshuarit. Prokuroria në koordinim me policinë janë duke i ndërmarrë të gjitha veprimet e nevojshme hetimore për sqarimin e plotë të rastit në fjalë”, thuhet në njoftim./ge/tg/

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021